"R", "S" үсэгт үнэлгээний хүсэлтийн загвар

Humuun News
Dec 24, 2024
1 min read

Суралцагчийн хичээлд оролцсон байдал, дүнгээ ахиулах хүсэлт, өөр сургуулийн багц цагийг дүйцүүлсэн байдал зэргийн илэрхийлэх W, R, E, CR, S зэрэг нэмэлт тэмдгэлгээг хэрэглэдэг билээ. Иймд R /дахин судлахаар шийдсэн/эсвэл S /шууд тооцох/ үнэлгээг тавиулах суралцагч сургалтын албанд бичгээр гаргах хүсэлтийн загварыг хүргэж байна.

W	Улирлын дунд хичээл судлахаа зогсоосон	Улирлын дундуур жилийн чөлөө авсан, сургуулиас гарсан суралцагчид тавих үнэлгээ. Голч оноонд нөлөөлөхгүй. Хичээлийг төлбөртэйгөөр дахин судална.
R	Дахин судлахаар шийдсэн	Суралцагч өөрийн хүсэлтээр сургалтын чанарын үнэлгээгээ өсгөх үүднээс 60-аас дээш үнэлгээтэй хичээлийг дахин судлах хүсэлтэй тохиолдолд тавигдах үнэлгээ. Суралцагч хүсэлтээ сургалтын албанд бичгээр гаргахаас гадна зөвлөх багшид хандан ганцаарчилсан төлөвлөгөөнд зохих өөрчлөлтийг оруулна. Уг үсгэн үнэлгээг тавиулсан бол цуцлах боломжгүй.
Е	Улирлын шалгалт өгөөгүй	Хүндэтгэн үзэх шалтгаан /Цэргийн албанд татагдсан, хүнд өвчин туссан, хорионд орсон/-аар улирлын шалгалтад ороогүй бөгөөд дараагийн хоёр улиралд багтаан шалгалтаа нөхөн өгөх тохиолдолд авах үнэлгээ. Хүндэтгэн үзэх шалтгаанаа нотлох шаардлагатай.
CR	Хүлээн зөвшөөрсөн	Өөр сургуулийн багц цаг болон олон улсад хүлээн зөвшөөрөгдсөн стандарт шалгалт, ОУ-ын хөтөлбөрийн албан ёсны сертификатын дүнг дүйцүүлэн тооцох тохиолдолд авах үнэлгээ.
S	Тооцов	Тухайн хичээлийн мэдлэг, чадвар, хандлагыг 60-аас дээш хувьтай, хангалттай эзэмшсэнийг гэрчлэх үнэлгээ.